In ka badan 40 Tahriibayaal African ah ayaa shalay ku geeriyootay Dooni ku degtay meel ka baxsan Xeebaha Galbeed ee dalka  Libya

Afhayeenka u hadlay Ciiddanka Ilaaladda Xeebaha ee Libya , Kolonel Abu Ajila Cabdul-baari ayaa sheegay inay soo badbaadiyeen 200 oo Tahriibayaal ah, kuwaasi oo ay Doonidii ay ku socdaalayeen ku degtay meel ka baxsan Xeebta Degmadda GARABULLI oo 60-KM dhanka Bari kaga toosan magaalladda  Tripoli.

Afhayeenka waxa uu intaasi ku daray inay Ilaaladu heleen 30 mayd iyo 60 ka badbaaday  Doonida 1-aad ee degtay, halka la soo badbaadiyeen  dhamaan 140 Tahriibe ee la socday Doonidii 2-aad ee ay u gurmadeen.

Dhinaca kale, Afhayeenka Ciiddanka Badda Libya, Ayuub Qaasim oo la hadlay Wakaalladda Wararka ee AFP ayaa sheegay in maydadka la helay ay ku jireen 18 haween iyo 3 carruur ah.

Waxa kale oo uu sheegay in weli la la’ yahay 40-Tahriibayaal oo la socday Doonidii ku degtay Xeebaha dalkaasi.

Tahriibayaashii shalay la soo badbaadiyey ayaa la sheegay inay ka soo kala jeedaan Somalia, Ghana, Ethiopia, Nigeria iyo 4 u dhalatay Pakistan.