Akhriso: War-murtiyeed laga soo saaray Shirkii Doodaha Xagaaga ee Garoowe

Shirkii Dib u heshiisiin bulsho iyo dimuquradiyad Waarta oo lasoo gabagabeyey waxana laga soo saaray warbixin ka kooban 9 qodob ee hoos ku qoran,

1: Wasaarada Arrimaha gudaha federalka iyo dimuquraadiyeynta oo sanadka hormuud ka ahayd qabsoomida waxa ay dhamaan u mahadcelinaysa kasoo qaybgalayaashi shirwaynaha, madaxdii kasoo qaybgashay sida Madaxwaynaha Puntland, raisal wasaarihi hore ee Somaliya, wasiirada Arrimaha gudaha maamulada Hirshabele iyo koonfur galbeed, Aqoon yahan ka hayada SIDRA oo asaasatay madasha dooda xagaaga, jamacad PSU oo martigalisay, shirkada maamus iyo dhamaan howlwadeenadi Shirka,

2: dhab u heshiisiin bulsho oo dadka Soomaaliyeed qaybihiisa ay saameeyeen dagalaadii sokeeye waxay asaas u noqonaysa Dib u soo celinta iyo xoojinta midnimada iyo sharaf kii Dowladnimada Soomaaliya,

3: dhamaystir la’aanta dastuurka iyo shuruucda kale ee dalka ee la xiriira federalaynta dalka waxa ay keentay khilaaf iyo jaahwareer aan dhamaanayn, kuwaas oo curyaamiyey xoojinta dowladnimada waxaana muhiim u ah in la dadajiyo dhamaystirka dastuurka iyo shuruucda kale habka loo maraayo noqdo mid daahuran oo laga wada qayb qaato,

4: Xagjirnimada Dhalinyarada waa aafo dhib badan iyo halaag ku ah dhalinyarada iyo bulshada Soomaaliyeed ee ay saameeyeen waxaa loo bahaam yahay qorshe dhamaystran oo lagu wajaho oo heerar kala duwan leh iyadoo lasoo jeediyey in la qabto shirwayne Soomaaliyeed oo si dhab ah loogu lafa guro si xal loogo heli lahaa Xagjirnimada,

5: nidaam doorasho oo qof iyo cod ah waa sida kaliya ee muwaadinin ta Soomaaliyeed ku heli karaan matalaaad sax ah iyo isla xisaabtan, waxaa muhiim ah hirgelinta Nidaamkaas iyada Puntland hormuud u noqon karto qabsoomida doorashinkaas si Soomaaliya inteeda kale ugu noqoto tusaale,

6: Soomaaliya doorosho xor iyo xalaal u ah ayaa u muhiim ah Inay ka qabsoonto xiliga loogu talagalay qaabka ay doorashadaasi u dhacayso waa in uu ahaado mid ku salaysan heshiis siyaasadeed ay gaaraan cida ay khusayso gaar ahaan Dowlada Federalka ah (xukuumada iyo golayaasha baarlamaanka) iyo Dowladaha xubnaha ka ah,

7: waxaa la isku raacay in la sameeyo gudi farsamo oo ka socda bulshada rayid ka ah oo kala taliya gudiga baarlamaanka ah sharciga doorashooyinka Soomaaliya,

8: cadaaladu waa asaaska jiritaanka umad walba sidaa darteed waxaa la taageeray in ahmiyad gaar ah la siiyo horumarin ta cadalaada dalka, sidoo kale waxaa bulshada Soomaaliyeed loogu baaqay inay Iska dhayaan dhibaatooyin ka uu keenay dagaalka sokeeye wixii hanti ah oo muuqaantana la isku celiyo la isna cafiyo,

9: waxaa la bogaadiyey dooda xagaaga iyada oo SIDRA loogu baaqay inay joogteeyaan doodaha waxaa kasoo baxana lafaafiyo lalana wadaago dadwaynaha Somaliyed iyo daneeyayaasha.