Al-sisi oo mar Sadexaad u ordaya hogaaminta Masar-ta muhiimka u ah Gobolka

Al-Sissi oo ahaa Wasiirkii hore ee difaaca,ayaa hoggaamiyey Afgmabi xukunka looga tuuray Madaxweyne Maxamed Morsi 2013-kii kadib dibad-baxyo ka dhan ahaa xukunkiisa halka sano jiray.

Al-Sissi oo markii ugu horreysay la doortay 2014, waxaana muddo xileedkiisa Labaad loo doortay 2018,weli kuma dhawaaqin in uu mar kale yahay Musharax.

Isbeddel Dastuur oo lagu ansixiyey Afti 2019-kii,ayaa Laba Sano ku daray muddo xileedkiisa Labaad, wuxuuna u ogolaaday in uu mar Saddexaad u ordo muddo xileed Lix Sano ah.

Waleed Xamsa, Guddoomiyaha Gudiga Doorashooyinka Qaran ee Masar,ayaa sheegay in Cod bixinta ay dhici doonto December 10-12, ayada oo doorashada ku celiska ahna ay dhaceyso Janaayo 8-10, haddii musharaxna aanu helin in ka badan 50% codadka.

Waxa uu intaas ku daray in Dadka dibedda dalka ku maqan ay codeyn doonaan December 1-3, halka tan ku celiska ahna ay codeyn doonaan 5-7.

Siyaasiyiin dhowr ah,ayaa durba ku dhawaaqay in ay u taagan yihiin qabashada xilka ugu sarreeya dalka, balse midkoodna loolan adag ma gelin doono al-Sissi oo xukunka hayey tan 2014.