Daraasiin Dad ah oo ku Naf waayay Dabka Hotelka Turkiga

Ugu yaraan 66 qof ayaa ku dhimatay dab qabsaday hotel caan ah oo lagu nasto oo lagu ciyaaro ciyaarta barafka ee dalka Turkiga, iyadoo dadka qaarna ay daaqadaha ka boodeen.

Dabka ayaa ka kacay hoteelka Grand Kartal oo ka kooban 12 dabaq oo alwaax ah, saacaddu markay ahayd 03:27 wakhtiga maxaliga ah (00:27 GMT) xili ay ahayd wakhti fasax ah oo mashquul ah oo ay ku sugnaayeen dad gaaraya 234 qof.

Waxay qaadatay 12 saacadood in la damiyo dabka. Afar qof ayaa la xiray oo uu ku jiro mulkiilihii, sida uu sheegay wasiirka cadaaladda.

66-da qof ee dhimatay ayaan ilaa hadda la xaqiijin aqoonsigooda, balse waxaa ka mid ah Vedia Nil Apak, oo ah gabar 10 jir ah oo dabaasha ciyaarta oo la shaqeysa Naadiga Isboortiga ee Fenerbahce ee magaalada Istanbul iyo hooyadeed Ferda.