Doorashada Somaliland oo si Nabad ah kusoo xirantay

Gudoomiyaha Guddida Doorashada Somaliland ayaa sheegay in tirinta cododku billaabantay, islamarkaana si guud ay nabad ugu soo dhamaatay doorashadii.

Guddoomiyaha guddida doorashada ayaa shacabka Somaliland u sheegay ina natiijada rasmiga laga qaadan karo oo kaliya komoshinka doorashada.
waxa uu sheegay in natiijada ay ku dhawaaqi doonaan 21-ka bishan November.

Doorashadan oo laba sano dib uga dhacday xilligii la filayay ayaa ku soo aadeysa xilli xiisadi ay ka dhex oogan tahay Soomaaliya iyo Ethiopia, iyo iyadoo magaalada Laascanood iyo magaalooyin kale oo hoos yimaada maamulka SSC-Khaatumo oo doorashooyinkii hore ay ka dhici jireen aysan haatan gacanta ugu jirin maamulka Somaliland.