Dowlada Netanyahu oo ay iskugu hareen Wasiiro Mayal adag

Benny Gants oo ka mid ahaa Wasiirrada xukuumadda dagaalka ee Ra’iisul Wasaaraha Israa’iil Benjamin Netanyahu,ayaa Axaddii shalay is casilay, tallaabadaasi oo cadaadiska ku sii kordhineysa Netanyahu.

Gants,ayaa ahaa xubinta kaliyah ee Xisbiyada siyaasaddoodu dhex-dhexaadka tahay ee ku jiray xakuumadda ay majaraha u hayaan isbaheysiga midigta fog ee Isra’il. Waxa uu xukuumaddani ka tirsanaa tan iyo inti uu billowday dagaalka Qasa muddo hadda laga joogo Siddeed Bilood.

Is casilaadda Gants,ayaanan khatar deg deg ah hadda ku aheyn dowladda Israa’il, hase yeeshee yeelan karta cawaaqib halis ah, isla markaana ka dhigtay xukuumadda Israa’iil ee hadda jirta mid ay isugu soo hareen Wasiirro gabigoodba ah kuwo mayal adag oo si aada ah u jira dhinaca Midigta fog.

Benny Gants,ayaa horay uga digay is casilaadiisa haddii uusan Natanyahu la iman istaraatiijiyad cad oo ku aaddan Gaza, xilli Isra’il ay sii wadday dagaal millatari oo ay ku dishay tobnaan kun oo Falastiiniyiin ah oo u badan dumar iyo carruur.

Netanyahu ayaa qoraal uu soo dhigay baraha bulshada oo uu uga jawaabayay is cazillaadda Gans ku sheegay, in aanan hadda la joogin waqti laga tago dagaalka.

Xigasho:-VOA.