Dr. C/weli Gaas oo ka hadlay xaalada Soomaaliya iyo damaciisa ku aadan+VIDEO

Madaxwaynahii Hore ee Dowladda Puntland Cabdiweli Maxamed Cali Gaas oo xalay ku saxiixay Magaalada Minneapolis Gobolka Minnesota, Buugg uu dhawaan qoray ee “A challenging tansition in Somalia”, ayaa ka hadlay xaalada siyaasadeed ee Soomaaliya iyo damaciisa ku aadan ku noqoshada Hoggaanka Soomaaliya.

Ugu horeyn, Dr. C/weli Maxamed Cali Gaas ayaa sharaxaad ka bixiyay Buuggiisa oo uu sheegay inuu si qoto dheer uga hadlay Is-bedeladii Soomaaliya, ka saaristii Dowladdii KMG aheyd, Qoristii Dastuurka KMG ah, dagaalkii Al-Shabaab looga saaray Muqdisho iyo doorarkii uu ka cayaaray Hoggaanka Dowladda Soomaaliya iyo Puntland.