Faallo:-Maxay ku kala duwan yihiin Kacdoonadii Dimishiq iyo Muqdisho?

Wasiir Balcad in uu soo xasuusto ridistii Siyaad Bare ma xuma oo waa Taariikh lkn,waxaa iyaduna mudan in lasoo xasuusto hab Dhaqankii USC ee ka danbeeyay.

USC,waxay ahayd in ay nidaamka ilaaliso oo sugto amniga Muwaadiniinta iyo Xarumaha Maamulka,balse waxay ku dhaqaaqday Bililiqaysiga Hantidii Danta Guud iyo tii gaar ahaaneed,isla markaana,waxay layn ku bilowday Shacabkii caadiga ahaa ee ku haybta ahaa hogaamiyihii Taliskii Milleteriga.

Maamulka Balcad haatan ka yahay Wasiirka,waxa uu 34-Sano kadib Wadanka ku celiyay isla Dhaqankii USC ee 91-dii.

Kooxaha la wareegay Dimishiq ilaa iyo hada ma muujin Dhaqankii USC oo waxay dhawreen Xarumihii Qaranka,Amnigii Muwaadiniinta,waxayna cafiyeen Ciidankii iyo Madaxdii la Shaqaynaysay Asad,iyagoo Ra’isalwasaarihii Taliskii Milleteriga xurmeeyay oo amray in isagu haysto Sharciyad loogana danbaynayo talada ilaa uu Xilka ku wareejinayo Maamul KMG ah oo la dhisayo.

Dadkii Calaawiyiinta ee reer Asad kasoo jeedeena looma haysto danbi gaar ah mana ahan bartilmaameed.

Aragtida iyo Bisaylka,ayaa lays dheer yahay.

USC,waxay ka lumisay Somaliya fursad weyn oo ay horay ugu sii socon lahayd mana ufurna Siyaasi ku abtirsada in uu ka hadlo burburin Qaran.

Waxaa xusid mudan in Siyaasiyiintii kasoo jeeday Beeshii la laynayay Shacabkeeda 1991 ee ku haybta ahaa Hogaamiyihii Milleteriga ay dib uyagleeleen Dowladnimada Maanta Villa Somaliya ay ku haystaan haraagii USC.

40-Sano kadib,Somaliya way kasoo kaban la’adahay hab Dhaqankii USC ee 1991-dii.