Gaalkacyo oo ay saamayn xoog leh ku yeesheen colaadiihi sokeeye ee Somaliya ka bilawday 1991 iyo ka horba waxay hada u muuqataa mid si weyn usoo kabatay.
Gaalkacyo maanta waa magaalada afraad ee ugu balaaran guud ahaan Somaliya,isla markaana waa magaalada labaad ee Ganacsiga Puntland.sidoo kale waxay ahmiyad gaar ah uleedahay Puntland.
Waa magaalo ay ku nool yihiin dadka labaad ee ugu faraha badan Puntland kuwaasoo lagu qiyaaso lix ilaa Todobo boqol oo kun oo qof.
Waa magaalo ay iskuulada udareeraan ugu yaraan Lixdan kun oo arday kuna yalaan Iskuulo Waxbarasho oo heerar kala duwan leh oo gaaraya qiyaastii 24-iskuul.
Gaalkacyo waa magaalada labaad ee ay canshuurta ugu badan uga soo xarooto Dowlada Puntland.
Gaalkacyo waxaa wax weyn taray oo dib usoo kabashadeeda saldhig u ahaa heshiiskii taariikhiga ahaa ee Madaxweyne Cabdulaahi Yuusuf iyo Jeneral Caydiid,
Inkastoo heshiiskaas wax weyn taray hadana sanadihii udanbeeyay waxaa ka dhacayay colaado keenay qax dhawr jeer ka dhacay magaalada oo dad badan ka saaray guryahoodii,arday badana ka kala jaray waxbarashadoodii, ganacsigana jug weyn gaarsiiyay.
Ilaahay mahadii maanta Gaalkacyo waxaa ka socda dadaal xoog leh oo lagu xoojinayo amaanka oo ay isla wadaan Puntland iyo maamulka aan sharciyada buuxin ee Cadaado,
Waxaa sii xoogaysanaya wada shaqaynta labada maamul,waxagaradka,Culumada, iyo Ganacsatada.
Waxaa la dhisay Ciidan Boolis ah oo ka kooban labada dhinac kuwaasoo hada gaaraya 250-askari,kana shaqayn doona si wada jir ah xoojinta amniga.
Waxaa ka dhashay Gaalkacyo dhalinyaro iskood isku abaabulay,kuwaasoo bilaabay ka shaqaynta adkaynta amaanka,isku xirka bulshada,ka hortaga colaadaha ka shaqaynta bilicda iyo horumarka magaalada.
Isku soo wada duuboo shacabka Mudug waxay umuuqdaan kuwa gaari doona rajadoodii ahayd Gaalkacyo oo nabad ah noqotana magaalo muhiim u ah ganacsiga iyo isku socodka Geeska Africa.
Jibril Qoobey.
Share this:
Discover more from Idil News
Subscribe to get the latest posts sent to your email.