Golaha Wasiirada Jubbaland oo ansixiyay miisaaniyadda sanadka 2021-2022 (VIDEO)

Golaha Wasiirada Jubbaland oo maanta yeeshay kulan aan caadi ahayn oo uu shir gudoominayay Madaxweyne Axmed Maxamed Islaam, ayay golahu dood dheer ka yeesheen miisaaniyada sanadka oo ay soo gudbisay Wasaarada maaliyada.

Wasiirka Wasaarada Maaliyada iyo hormarinta dhaqaalaha Xuseen Xirsi Axmed, ayaa golaha la wadaagay hormarka dhinaca wax soo saarka iyo dib u dhiska dhinaca dhaqaalaha ah kaas oo wax badan ka badali doona xaalada deegaanka sanadaha soo socda.

Wasiirku wuxuu sheegay in kobaca dhaqaalaha iyo wax soo saarka Jubaland uu sanadka soo socda ee 2022 uu gaari doono 60%, taas oo kamid ah yoolasha ay wasaaradu hiigsanayso.

Miisaaniyada sanadka 2021-2022 ayaa gaaraysa 40,301,997.05 taas oo ka kala imanaaysa dhinacyo kala duwan, Golaha Wasiirada ayaanta dood kaddib cod aqlabayad leh ku ansixiyay miisaaniyadda.

Idilnews