Goorma ayuu bilawday mashruuca qabuuro faagista Soomaaliya

𝐉𝐚𝐧𝐧𝐚𝐚𝐲𝐨 𝟐𝟎𝟎𝟓: Kooxda Shabaab ayaa bilawday faagista qubuurihii Talyaaniga ee ku yaallay degmada Huriwaa ee magaalada Muqdisho.  Lafaha iyo madaxyo dad ayaa maalmo ka bacdi lagu arkay xaafado ka tirsan Muqdisho, sida aagga Garoonka Muqdisho.

Goobta waxaa markii danbe laga dhigay xero lagu tababaro maleeshiyaadka Shabaabka.

𝟐𝟎 𝐃𝐢𝐬𝐞𝐦𝐛𝐚𝐫 𝟐𝟎𝟎𝟖: Shabaab ayaa bililiqaystay qubuuro ku yaallay Kismaayo, iyagoo lafihii jawaano ku qaatay.

𝐎𝐤𝐭𝐨𝐨𝐛𝐚𝐫 𝟐𝟎𝟎𝟗: Dowladda Talyaaniga ayaa canbaareysay falka lagu beegsaday meytida Talyaaniga, waxayna Talyaanigu xilligaas ku dhawaaqeen inay lafaha soo qaadan doonaan oo ay dalkooda geysan doonaan.

𝟑𝟎 𝐎𝐤𝐭𝐨𝐨𝐛𝐚𝐫 𝟐𝟎𝟎𝟗: Waxaa falka qubuuro faagista canbaareeyay Ra’isul Wasaarihii Dowladdii KMG ahayd Cali Maxamed Geeddi oo ku tilmaamay faagista lafaha meydka “fal fool xun, fal dambiyeed iyo fal bini’aadantinimo ka baxsan.”

𝟏𝟗 𝐎𝐤𝐭𝐨𝐨𝐛𝐚𝐫 𝟐𝟎𝟎𝟗: Degmada Galhareeri ee bartamaha Soomaaliya, waxay Shabaabku boobeen dhul isugu jiray qabriga Sheekh Cali Cibaar iyo masjid weyn oo culimada Ahlu Suna kaasoo ay burburiyeen.

𝟐𝟒 𝐌𝐚𝐚𝐫𝐬𝐨 𝟐𝟎𝟏𝟎: Al-Shabaab ayaa faagay qabrigii Sheekh Aadan Dheere oo ku yaallay agagaarka Xararyaale iyo qabrigii Sheekh Cali Muumin oo isna ku yaallay xaafadda Labo Dhagax ee degmada Wardhiigley.  Shabaab lafaha culimada waxay ku qaateen jawaanno.

𝐇𝐚𝐛𝐞𝐞𝐧𝐤𝐢𝐢 𝟐𝟑 𝐌𝐚𝐚𝐫𝐬𝐨 𝟐𝟎𝟏𝟎: Waxay Al-Shabaab waxay gudaha u galeen Mowlaca Sheekh Cali Cabdulle ee ku yaallay Xaafada Arjantiin ee Degamada Kaaraan ee magaalada Muqdisho. Waxay burburiyeen Qabrigii uu ku aasnaa iyagoo jawaan ku qaatay lafihii Sheekh Cali Cabdulle.

𝟐𝟒 𝐌𝐚𝐚𝐫𝐬𝐨 𝟐𝟎𝟏𝟎: Shabaabku  waxay qodeen, kana soo saareen qabriga lafihii Sheekh Muxyadiin Celi oo ahaa shiikhii waxbaray culimo badan.

𝟐𝟓 𝐌𝐚𝐚𝐫𝐬𝐨 𝟐𝟎𝟏𝟎: Maleeshiyaadka Shabaabka ayaa burburiyay qabrigii Sheekh Maxamed Biyamaaloow, iyagoo gudaha u galay masjidka Biyamaaloow oo ku yaalla degmada Howlwadaag ee magaalada Muqdisho, halkaas oo uu sheekhu ku aasnaa. Maleeshiyada Shabaab ayaa bannaanka usoo saaray lafaha Sheekh Biyamaaloow.

𝐃𝐡𝐚𝐦𝐦𝐚𝐝𝐤𝐢𝐢 𝐉𝐮𝐮𝐧 𝟐𝟎𝟐𝟑: Waxaa faagis lagu billaabay qubuuraha Macallin Nuur ee duleedka Muqdisho. Waxaa iyadoo meydadka lagala baxaayo ka gaaray Guddoomiyaha Gobolka Banaadir oo sheegay in dhulka uu markii hore ahaa waqaf.

𝟒 𝐌𝐚𝐲 𝟐𝟎𝟐𝟒: Waxaa faagis lagu billaabay qubuuraha Iskool Boliisiya ee magaalada Muqdisho, waxaana meydadkii lasoo faagay ka mid ahaa majaajileystihii geeriyooday AUN Cabdi Muriidi Dheere (Ajakis).

𝟏𝟏 𝐉𝐮𝐮𝐧 𝟐𝟎𝟐𝟒: Dowladda Xasan Sheekh ayaa bilawday qodista iyo faagista qubuuraha Iskool Boliisiya iyadoo lafaha meytida laga qaadaayo lacag doollar ah oo laga rabo ehelkooda.

W/Q: Abdalle Ahmed Mumin