Guddiga Joogtada ee Golaha Aqalka sare oo Kulan yeeshay.

MUQDISHO (IDIL NEWS)-Kulan ay yeesheen guddiga joogtada golaha aqalka sare BFS oo uu Shir guddoominayey guddoomiyaha golaha Aqalka sare Baarlamaanka ayaa ajandahu waxa uu ahaa Katashiga Furitaanka kalfadhiga 5aad ee aqalka Sare, ka doodista iyo Ansixinta qorshe howleedka kalfadhiga 5aad ee golaha .

Kulanka oo saacado qaatay ayaa markii uu soo gabogaboobay waxaa warbaahinta la hadlay Hab-dhowraha golaha aqalka sare BFS Sen. cabdi kaafi macalin xasan, waxa uu sheegay in fadhiga looga dooday ajandaha horyaala oo ay ugu muhiim sanayd Furitaanka kalfadhiga 5aad, isaggoo hadalkiisa sii raaciyay in la Go’aamiyay furitaanka 16ka bishan oo ku beegan maalinimada Sabtida.

Dhinaca kale guddoomiyaha golaha aqalka sare BFS Mudane Cabdi Xaashi Cabdullaahi ayaa xafiiskiisa ku qaabilay safiirka dawladda aan walaalaha nahay ee jabuuti u fadhiya Soomaaliya Danjire Aadan Xasan, iyaggoo labada Masuul ka wada hadlay xiriirka walaalnimo ee soo jireenka ah ee Labada dal ka dhaxeeya.

IDIL NEWS