Israa’iil oo ku qaaday Siiriya 500 oo Weerar 48-dii Saac Ee lasoo dhaafay

Israa’iil, waxay fulisay 48-dii Saac ee lasoo dhaafay weeraradii ugu balaarnaa Taariikhdeeda,kuwaasoo gaaraya 500.

Bartilmaameedka garaacista Israa’iil oo gudaha Siiriya ku wajahnaa,ayay ku ekaysiisay Sadex Garoon Diyaaradeed iyo Laba Saldhig Badeed oo Ciidamada Siiriya ay leeyihiin.

Waxay ku burburisay Diyaaradihii dagaalka,Maraakiibtii dagaalka,Hubkii Kiimikada iyo Hubkii Kale ee cuslaa.

Ujeedka Israa’iil,ayaa ah in Hubkaas iyo Xarumaha aysan Gacanta ugalin Jamhadaha talada la wareegay,islamarkaana ay naafayso Cududa Milleteri ee Siiriya.

Israa’iil,waxay gudaha ugashay Xuduuda Siiriya,iyadoo ujirta Caasimada Dimishiq 35-km,waxayna ka gudubtay Dhulkii lagu heshiiyay kadib dagaalkii 1973-dii in Ciidamada uu ka Caaganaado oo QM ay ilaaliso,iyadoo marmarsiiyo ka dhigatay in heshiiskaas burburay oo Dowladii dhanka kale dhacday.

Ciidamo gaaraya 14-kun oo Askari oo dheeriya ayay Israa’iil kusoo daabushay halkaas.