Israa’iil oo si weyn usoo dhawaysay dhicitaanka Taliska Asad

Netanyahu oo aad ufaraxsan,ayaa Shir jaraa’id ku qabtay Aagagii ay isku horfadhiyeen Ciidamada Israa’iil iyo kuwa Siiriya ee Xuduuda Labada Dal. 50-kii Sano ee udanbeeyay.

“Waa Maalin Taariikhi u ah Bariga dhexe burburka Taliska Asad,waa fursad Dimishiq heshay, laakiin waxaa ku gadaaman khataro la taaban karo”.Ayuu yiri Netanyahu.

Isagoo hadalkiisa sii wata,ayuu yiri “Waxaan u diraynaa Gacan Nabadeed dhammaan kuwa Xuduudka Siiriya ku jira,haday ahaan lahaayeen Druze, Kurdiyiinta, Masiixiyiinta, iyo Muslimiinta doonaya in ay nabad kula noolaadaan Israa’iil”.

Ciidamada Israa’iil, ayaa si KMG ah ubuuxiyay Aagagii Xuduudka oo ay fadhiyeen Ciidamadii Siiriya ee burburay.

Si gaar ah Netanyahu,waxay ugu tahay Guul taariikhiya oo xili hogaamintiisa ugashay ayna ku tixgelin doonaan Shacabka Israa’iil.

Mudadii uu talada hayay Netanyahu,waxay gaartay Israa’iil Guulo Milleteri iyo Siyaasadeed oo waa weyn ayna ugu danbaysay dhicitaanka Taliskii Asad.

Sida ay xaqiijinayaan Ilo Wareedyo xog ogaal ah,waxaa qorsheeyay hawlgalka lagu tuuray Asad hay’adaha Sirdoonka Maraykanka iyo Israa’iil.

Ujeedka soo afjarida Taliska Asad,ayaa looga gol leeyahay in si dhamaystiran loo burburiyo Xisbullaah iyo Xamaas.

Halkan ka daawo muuqaalka