Khasaare soo gaaray Markab Xuutiyiintu weerareen

Markab nooca Saliida qaada ah,ayaa waxyeelo kasoo gaartay gantaal lagu weeraray xeebaha dalka Yemen duqeyntii ugu dambeysay oo ay fuliyaan Xuutiyiinta.

Dhacdadan,ayaa ka dhacday meel qiyaastii 15-nautical miles Koonfur-galbeed ka xigta Magaalada Mocha ee Dalka Yemen.

Hay’adda ammaanka Badda ee Ingiriiska ee UKMTO ayaa sheegtay in markabka oo ka babanaayay calanka Panama ayaa laba jeer weeraray isla markaana uu burbur soo gaaray.

Lama sheegin wax dhimasho iyo dhaawac ah oo ka dhashay, waxaana la baarayaa sida ay wax u dhaceen.

Sida laga soo xigtay UKMTO, weerarka koowaad ee gantaalka ayaa sababay qarax meel u dhow markabka, waxaana dareemay dadkii saarnaa. Midka labaad – oo loo malaynayo in ay ahayeen laba gantaal – ayaa ku dhacay markabka.

Shirkadda caalamiga ah ee maareynta khatarta ee Ambrey ayaa sheegtay in saddex gantaal la arkay.

Waxa ay intaa ku dartay in gantaalada balaastikada ah la sheegay in laga soo ganay gobolka koonfur-galbeed ee Yemen ee Taiz.