Madaxweynaha Jamhuuriyadda Fadaraalka Soomaaliya Mudane Maxamed Cabdullaahi Maxamed Farmaajo ayaa martiqaad u diray Madaxda Dowladaha xubnaha ka ah dawlada Fadaraalka si ay uga soo qeybgalayaan shir wadatashi ah oo ka dhacaya magaalada Muqdisho 28ka Oktoobar, 2017.
Shirkaas ayaa looga arrinsan doonaa hawlo muhiim ah oo horyaalla Qaranka, ayna ugu horreyso sidii musiibadii Qaran ee ka dhacday Magaalada Muqdisho 14 kii bisha Oktoobar 2017 loogu beddali lahaa midnimo Qaran. qodobada kale ee diirada lagu saari doono shirkaan waxaa kamid ah sidii loo xoojin ahaa wadashaqeynta Dowladda Federaalka iyo Dowladaha Xubnaha ka ah Dawlada Fadaraalka.
Sidoo kale, waxaa shirkaas looga wada hadli doona arrimo muhiim u ah hanaanka dowladnimada Soomaaliya oo ku jirta marxalad soo kabasho ah. qodobadan ayaa ah kuwa fulintooda iyo hirgalintoodu ay u baahan tahay wadajir iyo wadashaqeyn, waxaana ka mid ah dardargelinta nabadeynta Dalka, horumarinta hannaanka federaalaynta, dib u eegista dastuurka, habka qeybsiga kheyraadka Dalka iyo geeddi socodka doorashada 2020.
Share this:
Discover more from Idil News
Subscribe to get the latest posts sent to your email.