MAQAAL:-NABAR & NAXDIN IYO ARGAGIXISADA AL-SHABAAB OO AAG DAGAAL KA FURTAY GALBEEDKA & KOONFURTA KISMAAYO

SIDA AYNU LA SOCONO WAXAA BILIHII AYNU SOO DHAAFNAY DAGAAL QARAARI UU KA SOCDAY WAQOOYIGA KISMAAYO,WAA DEEGAANADA HOOS TAGA DEGMOOYINKA JILIB & JAMAAME WAXAANA LAGA GAARAY GUULO IYADOO LA WIIQAY AWOODII ARGAGIXISADA AL-SHABAAB OO AY TAAGEERTO MAAMULKA NABAR & NAXDIN.

WUXUU MAAMULKA NABAR & NAXDIN ABAABULAY BEELO WAX KA DEGA BARIGA JUBBALAND INEY XOOJIYAAN OO AY DAGAALKA LA GALAAN AL-SHABAAB,NASIIB WANAAG DUULAANKOODA WAA LAGA HORTAGAY OO SI XUN BAA LOO JEBIYEY.

HADDABA WAXAA BILOWGII BISHII AYNU SOO DHAAFNAY EE JANUARY MUQDISHO LAGU SHIRIYEY BEELO WAX KA DEGA GALBEEDKA IYO KOONFURTA KISMAAYO,

UJEEDKA SHIRKA AYAA AHAA IN AAGAASI DAGAAL U ABAABULAN QAAB BEELEED LOOGU QAADI LAHAA SI LA GO´DOOMIYO KISMAAYO. WAXAA DHAQAALE FARA BADAN KU BIXIYEY GANACSATADA MUQDISHO WAXAANA KAALINKA KOWAAD KA GALAY DHIIGSHIIL & HORMUUD,WIXII DHAQAALE AHAA EE LA URUURIYEY IYO LOGISTIKADII CIIDAMADA WAXAA LA ISUGU GEEYEY BARIIRE OO KA TIRSAN DEGMADA AFGOOYE ,WAXAANA LAGU WAREEJIYEY ARGAGIXISADA AL-SHABAAB. WAXAA BILOWDAY DAGAAL WEJI KALE LOO YEELAY OO LA LEEYAHAY WAX KU DAGAALAMAY DEEGAANADA KALA AH,DALSAN,CABDALLA BIROOLE,HAADWEYNE,BUULO XAAJI ILAA IYO FUUMA BEELA HALKAA WADA DEGA.

XAQIIQDA DHABTA AH WAXAA DAGAALKA SI WADAJIR AH U SOO QAADAY WAA KOOXDA NABAR & NAXDIN,AL-SHABAAB OO HUWAN SHAAR QABIIL SIDA COWRMALEH,GAALJECE,SHEEKHAASH,HUBEER.

XAALADDU SIDA LOO HINGAADIYEY AMA LOO MARIN HABAABIYEY WEY KA DUWANTAHAY,SHACABKA JUBBALAND WEY KA DHEREGSANYIHIIN WAXA MUQDISHO LAGU SOO DHOOB-DHOOBAY EE LOO EKEYSIIYEY DAGAALADDII ISIRKA AHAA EE 1991.

WAXAANU CADOWGA LEENAHAY JUBBALAND SHACABKEEDA DIB U HEESHISIIN DHAB AH AYUU SOO MARAY,WAXEYNA KU MIDOOBEEN MAAMUL LOO DHAN YAHAY,LAGUNA DOORTAY MADAXWEYNE HALYEY SAYID AXMED SHEEKH MAXAMED ISLAAM TAARIIKHADU KOLKEY AHEYD15-05-2013.

WAA RIYO MAALMEED QORSHAHA NABAR & NAXDIN IYO ARGAGIXISADA AL-SHABAAB IYO QOLYAHAN TIJAARATUL-XARBI EE DOONAYA IN JUBBALAND DIB LOOGU CELIYO COLAADDII 1991.

JUBBALAND WEY KA FEEJIGANTAHAY SHIRQOOLADA MUQDISHO LAGA SOO ABAABULAY WEYNA LA SOCOTAA DHAQ-DHAQAAQOODA IL CADOWNA WEY KU EEGEYSAA.

JUBBALAND GUUL BAANU LEENAHAY.