Midowga Afrika oo dhobsaday go’aanka Trump ee Ka dhanka ah WHO

Midowga Afrika,ayaa ka falceliyay go’aanka uu gaarey Madaxweynaha Mareykanka, Donald Trump, gaar ahaan kuwa joojinta Taageerada la siin jiray Hay’adda Caafimaadka Adduunka ee WHO.

Madaxweyne Trump markii uu go’aansaday in Mareykanku uu ka baxayo Ururka Caafimaadka Adduunka (WHO), Midowga Afrika ayaa si adag u cambaareeyay tallaabadaas, iyagoo ku booriyay in dib looga fiirsado. Guddoomiyaha Guddiga Midowga Afrika, Moussa Faki Mahamat, ayaa sheegay in go’aankan uu dhaawici karo iskaashiga caalamiga ah ee la-dagaallanka cudurrada.

Sidoo kale, Midowga Afrika,ayaa taageero buuxda u muujiyay Agaasimaha Guud ee WHO, Dr. Tedros Adhanom Ghebreyesus, kadib weerarro ka yimid Madaxweyne Trump, kuwaasoo ku saabsanaa habka WHO u maareyso masiibooyinka caafimaad.