Muxuu Maraykanku uga aamusay meel marinta Qaraarka…..

Maraykanku Laba Qodob dartood,ayuu uga aamusay taageerada qaraarkii K&B Somaliya looga bilaabayo hawlgal cusub oo Nabad ilaalin ah sida xogaha ugu danbeeyaa ay sheegayaan….

1.In hufnaan badan oo Maamulka iyo Dhaqaalaha hawlgalka ku saabsan la helo.

2.In Itoobiya ay sii joogto Somaliya kadib 31-December ee Sanadkan.

Maraykanku,waxa uu qabaa Ciidanka Itoobiya Goobaha ay joogaan ilaa laga helayo Ciidan badala in aan la saarin,waxa uuna Villla Muqdisho kula dooday mahaysaan Ciidan Somaliyed oo buuxin kara boosaskooda?

Xasan Shiikh laftigiisu ma danaynayo in Itoobiyaanka laga saaro hawlgallka,waxase uu rabaa in uu wax uga badasho kasii mid ahaanshaha hawlgalka.

Sida xogaha lagu helayo Labada Qodob ee Maraykanku ku dhagay,waxaa lagu jiraa xalintooda…

B.Waxaa la diyaarinayaa Warbixin ku saabsan Maamulka iyo Maaliyada hawlgalkan oo Midowga Afrika soo saarayo.

T Waxaa la diyaarinayaa qorshe Midowga Afrika,Villa Muqdisho iyo Deeq bixiyayaashu isla qaataan oo Itoobiya loogu samaynayo wax loogu yeeri doono..(Qorshe bixineed mudaysan),kaasoo qaadan kara ilaa Sanad kale oo Sharciyad haysta.

Maraykanku haatan,waxa uu bixiyay Sadex Bilood Dhaqaalaha ku baxaya hawlgalka oo ilaa Maarso 2025 ku eg, hadii uu ku qanci waayo warbixinta la sugayo ee hufnaanta hawlgalka,waxaa dhici karta Maamulka Trump ee xilka la wareegaya Janaayo in uu joojiyo maalgelinta oo idil.

Isku soo wada duuboo Itoobiya,waxay ku guulaysatay 31-December in la gaaro,iyadoon aysan Ciidankeedu ka bixin Somaliya,isla markaana socon waayay go’aankii Villa Muqdisho.

JQ.