Faallo:-Puntland iyo loolanka Juquraafiga Siyaasadeed ee Caalamka

Caalamkan,waxaa hogaaminaya Danaha R.Galbeedka iyo Yuhuuda,waana lala dirirayaa Dalkii iyo Dadkii loo arko in ay caqabad ku noqon karaan.

Waa loo jeedaa Islaamka Bariga Dhexe Sunni iyo Shiico kuu noqdaba in laga adkaaday oo meesha laga saaray Hogaamiye walba oo ay ku jirto aragti wax iska caabin.

Somali hadaan nahay,waxaan la Qayb nahay Islaamka Bariga Dhexe oo waxaa naloo arkaa Dad caqabad ku noqon kara danaha Galbeedka iyo Yuhuuda.

Dhamaan Dowladaha Islaamka ah ee jira dantooda gaarka ah,ayaa mudnaan uleh,waxayna u arkaan la Shaqaysiga Galbeedka in ay ku khasban yihiin.

Dowladihii Islaamku,waxay ku tartamayaan u adeegida Galbeedka iyo noqoshada Dulaalka ugu fiican,waxaana tartankaas hormuud u ah Qatar,Turkiga oo dhinac ah iyo Imaaraadka,Sacuudiga oo dhinac ah.

Somalida dhibka sii haysta,waxa uu yahay maleh Nidaam wada matala,isla markaana waxay ku midaysan yihiin majiraan.

Hadaba reer PL,waxaa la gudboon in ay tooda ilaalsadaan oo gadaal uga dagaan baadigoobka Qaran Somaliyed.

30-kii Sano ee udanbeeyay,waxay PL ku mashquulsanayd raadinta Qaran ilaa ay Villa Somaliya iyo Caasimadii dib ufariisisay Calankii.

Balse,waa ku khasaareen,waxayna raadintaas ku kasbadeen cadow gudaha iyo mid dibada ah oo gaarsiisan in haldoorkooda la laayo oo loo arko Dad Somalinimada macno uleh.

Haatan,waxaa nalaga rabaa in aan samayno Sadex Qodob oo kala ah….

1.In aan ku mashquulno horumarinta Dhulkeena iyo Maamulkeena.

2.In aan kala amaan helno Dowladaha dariska ah,isla markaana Galbeedku uusan noo arag wax ku taagan danahooda.

3.In aan sii adkaysano xiriirkeena Imaaraadka,sababtoo ah Turkigu,waxa uu nagu yahay khatar markay timaado Fadaraalisimka iyo danhiisa gaarka ah.

PL oo aan dhisanay oo leh Dastuur,Calan,Lacag iyo Adeeg fiican,ayaan gaari doonaa Somali oo wada kortay ama kala tagtay,lkn yaanan ku dul dumin Maanta.

JQ.