Puntland oo Dil toogasho ah ku fulisay Maxamed Abshir

Maxkamadda darajada kowaad ee gobalka Bari ayaa saaka xukun Dil ah ku fulisay Maxamed Abshir Muuse oo horey dil ugu geystay Guddoomiye kuxigeenkii Maamulka iyo Maaliyadda Jaamacadda Bariga Africa, Khaalid Cali Aw-Muuse.

20 August ayaa Maxkamadda toogasho ku xukuntay Maxamed Abshir, kaddib markii lagu helay, uuna qirtay dilka Khaalid Cali Aw-Muuse, kaas oo ay ka wada shaqeynayeen xafiiska maamulka iyo Maaliyadda Jaamacadda Bariga Africa.

Qoraal kooban oo lagu daabacay barta Facebook ee Booliska Puntland ayaa lagu yiri “Maxkamada darajada koowaad ee gobolka Bari ayaa maanta oo Sabti ah xukun dil ah ku fulisay gacan ku dhiigle Maxamed Abshir Muuse oo Magaalada Boosaaso horay ugu dilay 29-July-2024 Alle ha u naxariistee guddoomiye kuxigeenkii maamulka iyo maaliyadda Jaamacadda Bariga Afrika Khaalid Cali Khaalid Awmuuse.”

IDILNEWS