Putin oo qoranaya Ciidan cusub oo Boqolaal Kun ah

Madaxweyne Vladimir Putin,ayaa u yeeray 160,000 oo rag ah oo ay da’doodu u dhaxayso 18-30 jir, waana tiradii ugu badnayd ee askar laga qoro Ruushka tan iyo sannadkii 2011-kii, iyadoo dalkaasi uu ku hawlanaa ballaarinta tirada ciidamada.

Tallaabadan,ayaa timid dhowr bilood ka dib markii Putin uu sheegay in Ruushku uu kordhiyo tirada guud ee ciidankooda oo la gaarsiiyo ku dhawaad ​​2.39 milyan iyo tirada askarta keydka oo la gaarsiiyo 1.5 milyan.

Ku xigeenka Putin Adm Vladimir Tsimlyansky,ayaa sheegay in askarta cusub aan loo diri doonin inay ka dagaalamaan Ukraine waxa uu Ruushku ugu yeeray “howlgalkiisa milatari ee gaarka ah”.

Inkasta oo Ruushku diiday xabbad joojin buuxda oo Maraykanku garwadeen ka ahaa oo ay la galeen Ukraine, haddana waxay sheegeen inay oggolaadeen inay joojiyaan weerarrada ay ku hayaan xarumaha tamarta ee Ukraine.

Isku day muuqada oo la doonayay in lagu beeniyo Moscow in ay jebisay Qodobbadii heshiiskaas, saraakiisha Ruushku waxay sheegeen in ay Putin u sheegeen in diyaaradaha aan duuliyaha lahayn ee Ukraine ay qaadeen weerarro aan wax calaamad ah lahayn.

Xigasho:-BBC