Qarax Ismiidaamin ah oo ka dhacay duleedka Afgooye (Sawirro)

Qarax ismiidaamin ah ayaa ka dhacay halka loo yaqaan bood boodka oo ku dhow koontaroolka Baar ismaaciil ee degmada Afgooye, waxaana ka dhashay khasaare nafeed, sida ay ku waramayaan dadka degaanka.

Wararka ayaa sheegaya in qaraxan Ismiidaaminta ah oo loo adeegsaday gaari NOHA ah oo laga soo buuxiyay walxaha qarxa, lala beegsaday Askar katirsan Ciidanka dowladda iyo shaqaalle Turki ah oo saarnaa gaari Cabdi bille iyo gaari kale.

Dadka dhaawacmay ayaa loo soo qaaday Muqdisho, iyadoo si kale ay jiraan dad dhintay oo tiradooda ay ku socoto hubin..