Madaxweynaha Dowlada Fadaraalka itoobiya Attoo Toshome,ayaa soo gaaray maalinkii shalay ahaa caasimada Dowlad Deegaanka Somalida ee Jigjiga.
Madaxweyne Tashome,ayaa u yimid Jigjiga dajinta xaalada kacsan ee Deegaanka kadib markii Ciidamada Milatariga Dowlada Fadaraalka itoobiya Batalyan ka mid ah uu gudaha usoo galay caasimada Jigjiga,isla markaana la wareegay xarumaha maamulka ee muhiimka ah,kuwaasoo ay ka mid yihiin xarunta Qasriga madaxtooyada,xarunta Baarlamaanka,xarunta Tv-ga iyo xarumo kale.
Attoo Toshome,ayaa kulan la qaatay Madaxweyne Cabdi Maxamuud Cumar iyo Golihiisa Wasiirada,iyagoo kawada xaajooday xaalada taagan iyo sdii loo dajin lahaa.
Madaxweynaha Fadaraalka Itoobiya,ayaa sheegay in uu fariin kawado ra’isalwasaaraha taasoo ah aaligalin uu ka bixinayo talaabadii ciidamada fadaraalka ay gudaha ugu soo galeen magaalada Jigjiga iskuguna dayeen in ay ku badalaan maamulka DDSI si khasab ah.
Madaxweyne Tashome waxuu qiray in ay talaabadaas ahayd khalad, raali galina ay ka bixinayso dowlada fadaraalka itoobiya.
Golaha Wasiirada iyo Madaxweyne Cabdi Maxamuud Cumar,ayaa ku gacansayray codsiga Madaxweyne Tashome,isla markaana usheegay in ay aqbalayaan raaligalintaas oo kaliya markii ay si cad dowlada fadaraalka uqirato in ay khalad gashay,soona xirto sarkaalkii watay Ciidamadii soo galay gudaha Magaalada Jigjiga.
Sidoo kale laga laabto hadalkii kiciyey Shacabka DDSI ee ahaa in 5% ay ku leeyihiin Somalida Itoobiya Qoondada Shidaalka kaasoo ka hor imaanayay Dastuurka fadaraalka ee dalka.
Dhanka kale qurbajoogta DDSI,oo kulamo deg-deg ah ka yeeshay talabaadii ay ciidamada fadaraalka itoobiya Batalyan kamid ah ay gudaha ugu soo galeen Magaalada Jigjiga,ayaa isku raacay in ay garab taagan yihiin maamulka Deegaanka iyo Ciidamada Liyuu Booliska ee ku jira difaaca dhulkooda.
Sidoo kale qurbajoogta waxay ku baaqeen in maalinka Jimcaha ah ee soo socoda guud ahaan Dhulweynaha DDSI laga dhigo mudaaharaadyo waa weyn oo loogu baroor diiqayo dadkii ku waxyeeloobay talaabadii Ciidamada,isla markaana lagu garab istaagayo Ciidamada iyo maamulka DDSI.
Share this:
Discover more from Idil News
Subscribe to get the latest posts sent to your email.