Shirkii Golaha Amniga Qaranka ee magaalada Muqdisho uga socday madaxda dowladda Fadaraalka iyo dawladaha xubnaha ka ah dawlada fadaraalka ayaa lasoo gabagabeeyay.
Shirka ayaa laga soo saaray war murtiyeed ka kooban dhowr qodob,oo aysan ka dhex muuqan qodobadii laysku mari waayay ee maalmahan hsirku ka doodayay,waxaana loo saaray gudiyo farsamo oo kasoo arimiya qodobadaas madaxdu isku mari wayday.
Madaxda shirka ka qeyb galeysay ayaa aad isugu hayay qaab dhismeedka ciidamada iyo cida maamuleysa, habka loo marayo.
Dawladaha xubnaha ka ah dawlada fadaraalka ayaa ku doodayay in ay muhiim tahay in wax walba ay noqdaan wax laga arinsaday oo aan mugdi ku jirin kooxna aysan meel gaar ah lagalin.
Dawlada Fadaraalka ayaa isku dayaysay in ay dooda dawladaha xubnaha ka ah dawlada fadaraalka ka hor timaado oo muujiso in ay iyadu tahay tan loo daba fariisano wax walba,balse rabitaankii madaxda fadaraalka gaar ahaan madaxaweyne Farmaajo ayaa fashilmay oo socon waayay.
Ugu danbayntii waxaa lagu heshiiyay kaidb markii Rw khayre hogaaminta shirka kala wareegay madaxweyne Farmaajo in gudiyo farsamo loo saaro arimaha laysku hayo mudo sadex bilood kadibna shir kale layskugu soo laabto.
Waxaa xusid mudan in madaxweyne Gaas shirkan ka ciyaaray door muhiim ah oo la’aantiis ay talada amniga qaranka ugali lahayd koox ku xaraysan Villa Somaliya.
Hadaba hoos ka akhrsio warmurtiyeedkii shirka kasoo baxay oo uu saxaafada u akhriyay Wasiirka Gaashaandhiga fadaraalka Somaliya C/rashiid.
War-murtiyeedka Golaha Amniga Qaranka:-
1.Golaha Amniga Qaranka ayaa kulan kuyeeshay magaalada Muqdisho intii u dhaxeysay 5ta ilaa 10ka bisha Luulyo, 2017.2.Kulanka waxaa shir-guddoominayay Madaxweynaha Jamhuuriyadda Federaalka Soomaaliya Mudane Maxamed Cabdullaahi Maxamed Farmaajo, waxaana ka soo qeyb galay Ra’iisul Wassaraada Jamhuuriyadda Federaalka Soomaaliya Mudane Xasan Cali Khayre, Ra’iisul Wasaare Ku Xigeenka Mudane Mahdi Maxamed Guuleed, Madaxweyneyaasha Dowlad Goboleedyada Puntland Mudane Dr. Cabdiweli Maxamed Cali Gaas, Jubaland Mudane Axmed Maxamed Islaam, Koonfur Galbeed Mudane Shariif Xasan Sheekh Aadan, Galmudug Mudane Axmed Ducaale Geelle, Hirshabelle, Mudane Cali Cabdullaahi Cosoble, Guddoomiyaha Gobolka Benaadir ahna Duqa Magaalada Muqdisho, Mudane Thaabit Cabdi Maxamed, Wasiirrada Caddaaladda, Arrimaha Dibadda iyo Iskaashiga Caalamiga ah, Arrimaha Gudaha, Federaalka iyo Dib-u-heshiisiinta, Gaashaandhigga, Amniga Gudaha, Taliyeyaasha Ciidamada Qalabka Sida iyo La Taliyaha Amniga Qaranka.
3.Golaha Amniga Qaranka waxa uu bogaadiyay shaqada wanaagsan ee ay dowladda dhexe ka qabatay arrimaha amniga sida xasilinta caasimadda, siyaasadda iyo xoojinta xiriirka ka dhaxeeya dowladda dhexe iyo dowlad-goboleedyada.
4.Kaddib markii uu Goluhu qiimeeyay xaaladaha amni ee ka jira dalka, waxay isla garteen in la xoojiyo dagaalka lagula jiro kooxaha nabaddiidka ah, meelna looga soo wadajeesto cid kasta oo ku taageerta dhaqaale, gabbaad ama faafineysa afkaardooda gurracan.
5.Golahu, markii uu dib u eegay Heshiiskii Amni ee Bishii 16-17 Abriil, 2017, uuna dhageystay talooyinkii ay soo jeediyeen Guddi hoosaadyada Difaaca iyo Amniga ee Golaha Shacabka, tixgeliyeyna aragtiyada kala duwan ee bulshada, waxaa talooyinkaas lagu biiriyay Qorshaha Amniga Qaranka.
6.Golahu, waxaa kale oo uu ku heshiiyay sameynta guddi farsamo oo ka shaqeeya dhameystirka Qaab dhismeedka Amniga Qaranka oo ay ku jiraan qaab-dhismeedka Ciidamada Nabadsugidda, Booliska, iyo ciidanka Asluubta. Guddidaas waxa uu ka kala imaandoonaa Dawladda Federaalka, Dawlad-goboleedyada iyo Gobolka Benaadir.
7.Golaha oo garowsan baahida loo qabo in siyaasad mideysan laga yeesho horumarinta nidaamka federaalka, dib-u-eegista dastuurka iyo doorashooyinka qof iyo cod ee 2020ka, waxay ku heshiiyeen in taabo gelinta qodobadaas loo maro hannaan ku salaysan wadatashi joogto ah oo 3dii biloodba mar ah.
8.Golahu waxa uu iskuraacay in sharciga lagu dhisayo Golaha Amniga Qaranka la horgeeyo Golaha Shacabka si waafaqsan Qodobka 111, Faqrada (h) ee Dastuurka KMG.
9.Golahu, waxa uu meelmariyay xeerka anshaxa ee kulamadooda iyo Fulinta Qorshaha Amniga Qaranka.
10.Ugu dambeyntii, Kulanka Golaha Amniga Qaranka wuxuu dhici doonaa saddexdii biloodba mar,hoos ka daawo muuqaalka.
Halkan ka daawo muuqaalka
Share this:
Discover more from Idil News
Subscribe to get the latest posts sent to your email.