Ciidamada Difaaca Puntland waxay saaka ku dhaqaaqeen hawlgalkii dib uxoraynta Sool, waxayna ka hawlgaleen sadex jiho.
Jihooyinka ay Ciidamadu ka hawlgaleen ayaa kala ah:-
1.Jihada ay ka hawlgaleen Guutada Caano ka dhan. oo ku aadan Galbeed.
2.Jihada ay ka hawlgaleen Guutada Godod.oo ku aadan Galbeedka.
3.jihada ay ka hawlgaleen Guutooyinka isku dhafka ah ee ku aadanaa Laamiga dheer.
5:30 habeenimo markay saacada bariga africa ku aadanayd ayuu hawlgalku si toos ah ubilowday.
Dagaal kharaar oo si adag loo xaajaystay kadib,waxay Ciidamada Difaaca Puntland horumar weyn ka sameeyeen goobihii dagaalka ee laamiga ka baxsanaa ee xigay galbeedka.
Labada Guuto ee Caano ka dhan iyo Godod,ayaa jiiray difaacii horyaalay ,islla markaana jabiyay horumar weyna ka sameeyay goobta dagaalka.
Labadaa Guuto waxay gaareen oo qabsadeen Masaafo dheer ilaa ay markii danbe gaareen talsikii Maleeshiyada Jeegaanta,halkaas oo ay gudaha ugu daateen khasaare xoog lehna gaarsiiyeen.
Labada Guuto ee Caano ka dhan iyo Godod waxay maleeshiyada Jeegaanta kaga gubeen dagaalkaas isku dar 14-tikniko ah,sidoo kale waxay kaga dileen maleeshiyaad aad u fara badan oo gaaaraya ilaa 103 Nin.Sidoo kale waxay kaga dhaawaceen dagaallkaas in ka badan 150-Nin.
Maleeshiyada jeegaantu waxay dagaalkaas ku waayeen Laba sarkaal oo kala haystay hawlgalinta maleeshiyaadkooda.
Maleeshiyada jeegaanta sidoo kale waxaa dagaalkaas looga qabsaday Maxaabiis gaaraysa 14-Nin iyo Afar Gaari oo kuwa dagaalka ah.
Dagaalkan maanta waxaa aad ugu jabay markii la eego dhanka Maleeshiyada Jeegaanta beelaha Habarjeclo iyo Jaamaca Siyaad.
Guutooyinka Caano ka dhan iyo Godod waxay ku hakadeen dhulkii ay qabsadeen oo fariisin ka samaysteen.
Dhanka kale Guutooyinkii isku dhafka ahaa ee Ciidamada difaaca puntland kuna aadanaa Laamiga dheer ma samayn wax horumar weyn ah oo goobta dagaalka ah,waxaana ku adkaatay jiirida difaacii hor taagnaa.
Guutooyinka isku dhafka ah waxaa iska caabin xoog leh kalakulmeen Maleeshiyaadka Jeegaanta ee dhufaysada aad loo qoday ka samaysatay halkaas.
Horay usocod la’aanta Guutooyinka ku aadanaa Laamiga dheer waxay sababtay in dagaalka loo nasto oo markale dib loogu laabto,balse majirin wax horumar weyn ah oo la sameeyay.
Ciidamaa difaaca Puntland khasaaraha kasoo gaaray dagaalka maanta ayaa kala ahaa:-
1.Dhimasada sadex Askari
2.Dhaawaca sideed kale,
3.Waxaa looga gubay dagaalka maanta labo Gaari oo kwua dagaalka ah.
Ciidamada Difaaca Puntand waxay caawa kaga sugan yihiin aaga dagaalka goobo kala duwan,
Isku soo wada duuboo Ciidamada difaaca Puntland guulo la taaban karo ayay ka gaareen dagaalkii maanta,waxaana la filayaa in maalinka Beri foog uu dhaco dagaal aad u culus.
Jibril Qoobey.
Halkan ka daawo muuqaalka
Share this:
Discover more from Idil News
Subscribe to get the latest posts sent to your email.