Booqashadii ra’isalwasaaraha itoobiya Attoo Abiye Ahmed uu kusoo gaaray Muqdisho ma ahayn wax lala yaabo ama mucjiso taariikhda gashay noqon kara.
Abiye ayay si gaar ah ugu ahayd markii ugu horaysay ee uu yimaado Somaliya isagoo ra’isalwasaare ah,balse in ra’isalwasaare Itoobiya xukumaa uu yimaado Somaliya waa wax iska caadi ah oo in badan dhacday,iyadoo waliba xaalku sida hada uu yahay uu kasii adkaa.
Sidoo kale heshiis qurux badan oo qodobo door ah ka kooban in lawada galo oo lakala saxiixdo mahan iyaduna wax cusub..
Balse Qodobka soo jiidashada lahaa lana oran karo booqashada Abiye ee Muqdisho way daarnayd,ayaa ahaa…
1.Qodobka 7.aad,kaasoo qeexayay markii la jilciiyo in Emiraatka ay la heshiiso Villa Somaliya,sidoo kale Dekedihii ay shalay diidanayd maanta ay wareejiso.
Villa Somaliya maxaa ku khasbay in ay u tanaasusho Imaaraadka ayaa iswaydiin mudan,balse jawaabtu waa cadahay oo waxaa ku khasbay labadan arimood ee kala ah…
B.In ay ka nabad galaan dagaalka Imaaraadka
T. In ay Dowlad Goboleedyada iyo Imaaraadka kala dhex galaan si awooda Dowlad Goboleedyadu uwiiqanto.
Villa Somaliya ayaa aad u danaynaysa ku dhawaanshaha Imaaraadka,iyadoo dhanka kalena ku dadaalaysa in aysan lumin kalsoonida Dowlada yar ee leh saamaynta dhaqaale iyo sirdoon ee Qatar.
Todobaad ka hor ayay ahayd markii Madaxweyne Farmaajo booqasho ku gaaray Nayrobi,isla markaana la kulmay Madaxweyne Uhuru.
Xogaha laga helay kulankaas ayaa tilmaamayey in Farmaajo ka codsaday Uhuru dhexdhexaadinta Itoobiya iyo Villa Somaliya.
Waxaa la rumaysan yahay in Madaxweyne Uhuru aqbalay codsigaas isagoo xeerinaya dabaca ay Villa Somaliya ka muujisay Dacwadii Badda ee kala dhaxaysay Somaliya.
Ra’isalwasaare Abiye ayay si gaar ah ugu ahayd markii ugu horaysay ee uu yimaado Somaliya isagoo ra’isalwasaare ah.
Share this:
Discover more from Idil News
Subscribe to get the latest posts sent to your email.