Wadahadaladii dhexdhexaadinta Israa’iil iyo Falastiin oo ku dhow in lagu guulaysto

Aqalka Cad ee Mareykanka,ayaa xaqiijiyay in “horumar laga gaaray” wada-hadallada ay martigelisay caasimadda Masar ee Qaahira, dadaalka loogu jiro in heshiis xabbad-joojin ah laga gaaro dagaalka Gaza.

Agaasimaha hay’adda sirdoonka Mareykanka ee CIA-da William Burns, ayaa ka mid ah masuuliyiinta wada wadahadalada gar-wadeenka ka ah.

Madaxtooyada Masar;ayaa Jimcihii sheegtay in Madaxweyne Abdel Fattah el-Sisi iyo dhiggiisa Maraykanka Joe Biden ay ku wada hadleen khadka taleefoonka muhiimadda ay leedahay in Israa’iil iyo Xamaas ay muujiyaan dabacsanaan ku aaddan wada xaajoodka lagu doonayo in xabbad-joojin lagu dhaqangaliyo Gaza laguna sii daayo la haystayaasha.

Illo ka tirsan Masaarida,ayaa u sheegay Wakaalada Wararka France-Presse in wareega wada xaajoodyada “balaaran” ay bilaaban doono maalinta Axada ah oo ay ka qeyb galayaan mas’uuliyiinta Masar iyo Qatar.