Wararkii ugu danbeeyay Biyaha Qardho kusoo rogmaday

Last Update Qardho:-

1: Biyaha Magaalada soo galay ayaa guud ahaan saameeyay Xaafadaha, Marka laga reebo aaga kore ee Xorgoble, Guri iyo Goob ganacsi oo kale oo aysan gelin waa yartahay.

2: Guud ahaan Suuqii Magaalada ayaa biyuhu la tageen, Bakhaaradii raashinka, Kuwii Dhismaha, Suuqyadii Khudaarta iyo Caanaha, Kuwii adeegyada bulshada inta biyaa buuxa-dhaafshay.

3: Dhalinyaro is-abaabulay oo u badan intii Magaalada ku cawaynaysay ayaa gurmad fidiyay waxay gaareen Guryo dad ku go’odoonsanaayeen kuwaas oo u badan Aaga Gufure, Aaga Shimbiraale iyo Xingood Hoose qaarkeed.

4: Dawlada iyo Maamulka Gobolka Karkaar oo dhankooda is-kaashanaya ayaa iyaguna hawlo-shaqo waddo, Cafag-Cag ay dawladu leedahay ayaa dumisay guryo lagu go’doonsanaa iyadoo gurmad loo fidiyay dadkii halkaas ku jiray.

5: Gaari Nooca Xamuulka ah oo Sida 10 Neef oo Geel ah una socday Magaalada Boosaaso ayaa Aaga Xarunta Gobolka Karkaar Yaal, Dadkii uun ayaa laga soo bad-baadshey.

6: Xaafadaha ku dhaw Buundada Qardho ayaa in-badan oo ka mid ah ay dumeen, Buundada laftigeeda in ay dhaawac qabto ayaa laga shakisan-yahay. Garaawida ayaana Kaantaroolada lagu celinayaa.

7: Koronta ayaa guud ahaan ka Maqan Magaalada, Dadka intooda badan taleefonadoodu waa ay ka dameen laysmana haleeli karro.

8: Weli si rasmi ah looma xaqiijiyin geeri laakiin xaafada qaar in dad ay biyuhu qaadeen ayaa la werinayaa. Dadkuna isumaba-warhayaan, isumana gudbi-karaan

9: Dadka qaarkood waxay saaran-yihiin derbiya guryahooda, Caruuro iyo Waalid ayaa guryaha qaar laga daad-gureeyay.

10: Biyaha ayaan weli maraya meelkasta oo Magaalada ka mid ah, inay soo bataan mooye sinaba uma yaraanayaan.

11: Dad biyo iska wateen kana dhex-qalinaya ayaa si kedis ah loo arkay, loona bad-baadiyay.

Mohamud nadiif shire