Wararkii ugu danbeeyay Shilka Labada Diyaaradood Ee Maraykanka

Wararka ka imaanaya dalka Maraykanka,ayaa sheegaya in ay isku dheceen labada diyaaradood oo kala ah nooca rakaabka iyo mida ka tirsan kuwa Mileteriga.

Diyaaradda American Airlines oo saarnaayeen 64 ayaa lagu soo warramayaa in ay foodda is dareen diyaarad Helicopter ah oo Black Hawk oo iyaduna sidday 3 ka mida ciiddamada dalka Maraykank. Shilkan ayaa ka dhacay hawada garoonka Ronald Reagan ee Washington DC.

Labada diyaaradood,ayaa lagu soo warramayaa in ay markiiba ku soo dheceen webiga Potomac oo meesha ka dhowaa. Ilaa hadda waxa la soo helay 19 qof oo mayd ah. Waxana lagu raad joogaa dadkii kale oo aan lahayn, iyada oo la hawl geliyey doomaha quusa iyo dadka aadka dabaasha u yaqaanna oo baadi goobka ka qayb gelaya.

Madaxweynaha Maraykanka Donald Trump ayaa wax lala yaabo ku tilmaamay in ay diyaaraduhu isku dheceen isaga oo cannaana u jeediyey masuuliyiin labada diyaaradood waday oo laftigoodu ka mid ah Dadka la raadinayo.