Wararkii ugu danbeeyay weerarka Mucaaradka Asad Ee Siiriya

Ciidanka Mucaaradka Siiriya in ay gudaha ugaleen Caasimada Dimishiq oo ay la wareegeen Kayntaroolka Koonfureed ayay Wararku sheegayaan.

Haday dhab noqoto,waxaa halkaas kusoo gaba gaboobay Xukunkii reer Xaafidul Asad iyo Taliskii Qoyska Calaawiyiinta laga tirada badan yahay ee Shiicada.

Ciidanka Mucaaradka Suniga Carabta ah oo aad utira badan kuna qalabaysan nooc kasta oo saanada Ciidan ah,ayaa Hujuumka hormuud u ah.

Sidoo kale Jamhada Kurdida ee Bariga Siiriya oo ka kooban Ciidan xoog leh oo Maraykanku taageero,ayaa iyaguna qayb ka ah Ciidanka Mucaaradka.

Waxaa kaloo jira dhawr Jamhadood oo Carab ah oo qiyaastii gaaraya 5000 ilaa 10.000 oo dagaal yahan,ayaa Qayb ka ah Hawlgalka ah.

Sida Wararku sheegayaan Bishaar si nabadgalyo ah,ayuu bari uga baxayaa Caasimada wuxuuna magan galyo siyaasadeed ka helay Dalka Ruushka,halkaas oo Maalintii Arbacada ahayd Qoyskiisu gaaray.

JQ.