Hoggaamiyaha dowladda Libya ayaa Axaddii sheegay inuu shaqo ka-joojin ku sameeyey wasiirkiisa arrimaha dibedda kadib markii dhiggeeda Israel uu ku dhowaaqay inay wada-hadallo ku yeesheen Rome, toddobaadkii tegay.
Najla al-Mangoush βsi ku meel-gaar ahβ ayaa loo hakiyey, waxaana βbaaritaan maamulβ ku sameyn doona guddi uu hoggaaminayo wasiirka cadaaladda, waxaa sidaa habenekii Axaddi yiri raβiisul wasaare Abdulhamid Dbeibah, oo qoraal rasmi ah soo dhigay Facebook.
Wasaaradda arrimaha dibedda Libya ayaa ku qeexday βfursad iyo kulan aan rasmi aheyn,β hase yeeshee warka ku saabsan kulanka ayaa horseeday dibad-baxyo ka dhacay waddooyinka dhowr magaalo oo ka tirsan Libya.
Muranka siyaasadeed ayaa qarxay Axaddii kadib markii wasaaradda arrimaha dibedda Israel ay sheegtay in wasiirada arrimaha dibedda labada dal ay kulmeen toddobaadkii tegay.
Bayaanka ayaa lagu sheegay in wasiirka arrimaha dibedda Israel Eli Cohen iyo dhiggiisa Libya Mangoush, ay ku wada-hadleen kulan ka dhacay Rome oo uu marti-geliyey wasiirka arrimaha dibedda Talyaaniga Antonio Tajani.
War-saxaafadeedka Israel ayaa ku qeexay hindisihii ugu horreeyey ee diblomaasiyadeed ee noociisa ah ee dhex-mara laba dal.
βWaxaan wasiirka arrimaha dibedda kala hadlay suurta-galnimada weyn ee labada dal xiriirkooda,β ayuu ku Cohen ku yiri bayaanka ay baahisay wasaaradda arrimaha dibedda Israel.
Hase yeeshee wasaaradda arrimaha dibedda Libya ayaa Axaddii sheegtay in Mangoush βay diiday inay la kulanto dhinac kastaβ oo matalaya Israel.
βWaxa ka dhacay Rome waxay ahaayeen fursad iyo kulan aan rasmi ah aheyn, intii uu socday kulanka dhiggiisa Talyaaniga, kaasi oo aan ku jirin wax wada-hadal, heshiis ama wada-tashi ah,β ayaa lagu yiri bayaanka wasaaradda.
Wasiirka ayaa ku celisay “si cad oo aan mugdi ku jirin mowqifka Libya ee ku aadan qadiyadda Falastiin”, ayaa lagu yiri bayaanka.
Wasaaradda arrimaha dibedda Libya ayaa ku eedeysay Israel inay isku dayeyso βinay dhacdadan u ekeysiisoβ sida βkulan ama wada-hadallo.β
Bayaanka wasaaradda arrimaha dibedda Israel ayaa kasoo xigtay Cohen inuu yiri in labada dhinac ay ka wada-hadleen βmuhiimadda ilaalinta dhaxalka Yahuudda Libya, oo ay qeyb ka tahay dayac-tirka macbadyada iyo xabaalayaasha Yahuudda ee dalka.β
βCabirka Libya iyo goobta muhiimka ah ee ay ku taallo waxay fursad weyn u tahay Qaranka Israel,β ayuu yiri.
Ma jiro wax xaqiijin rasmi ah oo ku saabsan kulanka oo laga helay dhanka Rome.
AFP
IDILNEWS
Discover more from Idil News
Subscribe to get the latest posts sent to your email.