Waxqabadka Afarta sano Ee Xukuumada Madaxweyne Deni oo lasoo bandhigay

Boosaaso: 26 January 2023: Madaxweynaha Dowladda Puntland Mudane Siciid Cabdullaahi Deni, ayaa maanta ka qeybgalay Munaasabadda Bandhiga Warxqabadka Dowladda 4-ta sano iyo Qorshaha Dowladda ee sanadka 2023 oo lagu qabtay magaalada Boosaaso.

Munaasabadda oo ay wadajir ugasoo shaqeeyeen Wasaaradda Qorsheynta iyo Madaxtooyada, ayaa lagu soo bandhigay waxqabadka Dowladda Puntland 4-sano ee lasoo dhaafay oo lagu soo gudbiyey Qoraal iyo Maqal iyo Muuqaal, Iyadoo Sidoo kale lasoo bandhigay Qorshaha Dowladda iyo waxyaabaha hortebinta u leh sanadka 2023.

Waxaa bandhiga udub dhexaad u ahaa sida Madaxweynuhu uga dhabeeyay balan qaadkiisii xiliga Ololaha, oo ay meel sare uga jireen Amniga, Dhismaha Ciidanka, Isbedel Siyaasadeed iyo Dimuqraadiyadda, Hufnaanta Maaliyadda , Dhismaha Wadooyinka, Kaabayaasha Dhaqaalaha iyo Arrimaha Bulshada.

Madaxweynaha Dowladda Puntland ayaa la wadaagay Bulshada Gobolka Bari, in waxa lasoo bandhigay ee la qabtay ku yimaadeen dadaal Dowladnimo iyo ku dhiirasho Iyadoo Dalka ay ka jireen duruufo kala duwan, Sidaasi darteedna si meeshan meel kasii wanaagsan loo gaarona loo baahanyahay in lasii xoojiyo doorka Bulshada ee ka qeyb qaadashada Dowladnimada.

DHAMMAAD

XAFIISKA WARFAAFINTA MADAXTOOYADA DOWLADDA PUNTLAND.