Xaalada Galkacyo oo degan Maanta kadib Shaqaaqadii Xalay.

Hoggaanka maamulada Galmudug iyo Puntland ee Galkacyo ayaa maanta kormeer wadajir ah ku sameeyey goobihii shaqaaqadu ka dhacday xalay. Si nabadda loo adkeeyo, ciidamo isku dhaf ah ayaana xaley iyo saaka waaberigii hore la geeyey goobahaas.

Masuuliyiinta oo ay kamid yihiin saraakiil sare maamuladda gobolka iyo kuwa degmada Galkacyo ee labada dhinac, ayaa magaalada lug kusoo maray iyaga oo si toos ah ula falgalay bulshada qiimeeyeyna goobihii dhibku ka dhacay.

Mayor Mohamed Daacad ayaa warbaahinta uga warbixiyey xaaladda magaalada oo uu ku tilmaamay mid degan oo xasiloon. Isaga oo sheegay muhiimada ay leedahay wada-shaqeynta labada dhinac si nabadda loo ilaaliyo loona xaqiijiyo amniga shacabka degmada waxuuna sidoo kale intaas raaciyey in loo balansanyahay kulamo waawayn oo ay yeelan doonaan masuuliyiinta sarsare ee Puntland iyo Galmudug.