Xamse oo ku dhici waayay tagista Laascaanood

Puntland iyo Somaliland,ayaa ku guuleysatay in la joojiyo booqasho uu doonayay in uu ku yimaado magaalada Laascaanood, Ra’iisul Wasaaraha Xukuumadda Muqdisho Xamze Cabdi Barre oo lumiyay kalsoonida deegaannada uu siyaasad ahaan ku matalo DFS.

In Xamze booqdo Laascaanood ayaa ahaa mid ku yimid soo jeedinta xubno baraha bulshada ka taageera Social Media.

Xassan Shiikh Maxamuud ayaa la xaqiijiyay in uu u yeeray Xamze una sheegay in uusan tagi karin Laascaanood, maadama aysan ahayn magaalo uu ka jiro maamul rasmi ah oo la aqoonsan yahay, iyada oo uu aqbalay.

Wixii ka dambeeyay dagaalkii 25 August, 2023 – xaalada Laascaanood ayaa ahayd mid ay dul hoganayaan khataro Amni, iyadoo magaalada ay unugyo ka sameysteen kooxaha argagixiso ee Al-Shabaab iyo Daacish. Tan ayaa sababtay in magaaladu soo jiidato indhaha Hay’addaha Amniga ee Puntland, kuwa gobalka Geeska Africa iyo saaxiibada caalamiga ah, iyagoo si dhow ula socda dhaqdhaqaaqyada ka jira Laascaanood.

Tagista Xamze Barre ee Laascaanood, ayaa loo arkaa mid looga gol lahaa nafis siyaasadeed maadama uusan haysan deegaan uu tago oo uu siyaasadda ku matalo.

JQ