Xeer ilaaliyaha Guud ee Puntland oo ka hadlay xariga Wariye Tolman+VIDEO

Xeer Ilaaliyaha Guud ee Dowladda Puntland Maxamuud Xasan Ow-cusmaan, oo Shir Jaraa’id maanta ku qabtay Magaalada Garoowe ee Caasimadda Puntland ayaa ka hadlay xarigii Ciidanka amnigu ay u geysteen Agaasimihii Hore ee Radio Daljar Axmed Sheekh Maxamed Tolman.

Xeer Ilaaliyaha Guud ee Puntland ayaa sheegay in Wariye Tolman loo heysto Eedo la xariir dhanka Hay’adaha Amniga, lana hor-keeni doono Maxkamad, isagoona si adag u naqdiyay warar lagu baahiyay Baraha Bulshada.