Xubno katirsan Al-Shabaab oo lagu dilay howlgal

Ciidamada Kumaandooska xoogga dalka Soomaaliyeed ee DANAB gaar ahaan Ururka 5-aad, Guutada 16aad ayaa howlgallo qorsheysan waxay ka fuliyeen deegaano Xubno ka tirsan Al-Shabaab kaga sugnaayeen Gobolka Jubbada Hoose.

Saraakiisha hoggaamineysay Howlgalka ayaa sheegay inay Ciidanka Kumaandooska DANAB waxay ku bur buriyeen fariisimo Al-Shabaab ku sugnaayeen ,islamarkaana ka abaabuli jireen weerarada qorsheysan oo ay ku qaadaan Ciidamada dowladda iyo kuwa AMISOM.

Sidoo kale  Saraakiisha waxaa ay  Warbaahinta dowladda u sheegeen in howlgalka lagu dilay in kabadan 15 Xubnood oo ka tirsan Al-Shabaab, kuwaas oo ku sugnaa degaannada howlgallada laga fuliyay.

Ciidamada Dowladda Federaalka ayaa maalmihii la soo dhaafay waxaa ay howlgallo ka dhan ah Al-Shabaab ka wadeen degaano iyo degmooyin ka tirsan Gobolada Jubbooyinka iyo Mudug, iyaga oo degaano kula wareegay.

Idilnews