Xulka Gobalka Nugaal oo u gudbay Finalka Ciyaaraha Puntland

Xulka Gobalka Nugaal ayaa iska xaadirayay Finalka Tartanka 8-aad ee ciyaaraha Gobalada Puntland, kaddib markii 4-2 ay galabta uga adkaadeen dhigooda Gobalka Cayn.

Ciyaartan oo xiiso badan laheyd ayaa ku bilaabatay weerar iyo weerar celis, xulka Gobalka Nugaal ayaana wareegii hore ee ciyaarta xaqiijiyay 2 Gool, oo ay ku hoggaaminayeen ciyaarta oo aheyd tii ugu horeysay ee wareega afar-dhamaadka

Qeybtii labaad ee ciyaarta ayaa abuurtay rajo beel iyo rajo is xigay, kaddib markii xulka Gobalka Nugaal oo la yimid Goolkii 3, uu 2 Gool ka daba keenay ciyaaryahanka Khaalid Lion ee Gobalka Cayn.

Si kastaba xulka Gobalka Nugaal oo horey u heystay koobkan ayaa noqonaya xulkii ugu horeeyay ee u gudbay Finalka Tartanka, waxana uu sugi doonaa kii soo badiya xulalka Gobalada Mudug iyo Haylaan oo berri ciyaari doona.

Idilnews